Istoria:Esperansa Foun ba Inan Foinsa’e iha Timor-Leste

Veronica servisu ho akompanha nia oan nain 2.

Febreiru: Inan foin sae sira iha Timor-Leste, nasaun nebe kiak liu iha Asia, baruk hela deit iha uma no nunka iha orsamentu hodi suporta sira nia a’an no sira nia familia.

 “Hau kontente tamba ho kuda no faan modo, hau bele hetan rendimentu hodi suporta hau nia familia sosa ami nia nesesidade lor-loron nian, inklui nesesidade eskola hau nia oan sira nian,” katak Veronica, 26, husi distritu Aileu.

Veronica partisipa iha Plan Timor-Leste nia programa buka moris no treinamentu no sai hanesan membru ida husi grupo juventude naran Ses La Biban iha suco La-Usi. Depois de tuir treinamentu hortikultuta no kuda modo, no mos hetan material balun no modo musang, inan feto foin sae nain 5 iha grupo ne’e agora servisu hamutuk kuda modo no depois lori ba capital Dili hodi faan.

Grupo hahu servisu hamutuk iha fulan Junho 2011 no durante ne’e sira hetan ona resultadu husi sira nia produtu dala 6, hodi hetan US$50-60. Rendimentu nebe sira hetan sira fahe ba malu, ho 75% ba sira nia nesesidade lor-loron no 25% investe ba sosa modo oan.

Servisu Halo Dosi

Iha parte seluk husi distritu Aileu, Rozita, 23 anos, uja oportunidade hodi hetan osan liu husi kuzinha. Rozita membru husi grupo juventude Moris Foun no hamutuk ho membru sira seluk, Rozita tunu paun hodi fa’an iha nia suco laran.

Rozita no nia kolegas sira la hetan rendimentu ida wainhira sira seidauk iha grupo, sira hela deit iha uma hodi hare sira nia oan. Wainhira sira estuda ona oinsa tunu paun no hetan ekipamentus no materials balun, sira hahu hetan osan barak

Oportunidade ba Mundansa Tempu Naruk.

Timor-Leste nudar nasaun ki’ik nebe ho populasaun barak. Kada tinan-tinan, numeru juventude sa’e maka’as to 20,000. Iha juventude kuaze 450,000 ho idade servisu iha nasaun ne’e, maibe numeru ki’ik husi kampu servisu formal halo numeru desemprego sae maka’as.

Atu redus desempregu juventude no suporta foin sa’e Timor-oan hetan sira nia servisu rasik, Plan Timor-Leste nia programa Haforsa Juventude ba Desenvolvimentu Sustenabilidade oferese foinsa’e sira ho treinamentu valuadade.

Grupo juventude kuda modo, halo meja no kadeira, suku ropa, kuda kafe, tunu dosi, haki’ak manu, bibi no fahi, no atividade sira seluk tan.

Programa hirak ne’e implementa ona iha Aileu iha tinan 2008 no suporta grupo juventude 25, no grupo 15 susesu ona hetan rendimentu.