Area: 1,792 sq. km
Populasaun: 59,787
Komunidade: 43
Labarik Sponsor: 0
Lautem hanesan distritu nebe iha
parte lorosa’e Timor-Leste, konhesido ho nia natureza nebe mos no paizajen nebe
dalas. Plan nia programa iha Lautem mai husi fundus subsídiu, nebe signifika
katak komunidade nebe Plan servisu ba la hetan suporta husi sponsor labarik.
Plan nia projeitu Juventude Buka
moris hahu iha ne’e Lautem iha tinan 2006, hanesan projeitu ida hodi suporta ema
deslokados sira durante krizi politik iha tinan neba. Plan nia programas sira
seluk mos implementa iha neba, no sub-distritu Lautem, Lospalos, Iliomar no
Tutuala sai tarjeitu ba programas hirak ne’e. Rai monu wainhira udan bo’ot,
afeita ba kondisaun estrada, sai hanesan risku bo’ot iha distritu ne’e.
Programa
Be’e,
Sanemaneut no Hijienia
Programa be’e, saneamentu no
hijienia hahu implementa iha Lautem iha tinan 2007 no suporta ona uma kain
2,352 ka ema hamutuk 4,077 iha suco 7. Agora dadaun, promosaun uja sintina
pilotu hela iha sub-distritu 4 nebe Plan servisu ba.
Eduksasaun
Iha tinan 2010, Plan servisu ona ho
parseirus lokal 2 nebe promove no suporta aprendijajem labarik foin sae.
Komunidade 10 hari’i ona fatin halimar ba labarik nebe benefisio ba kada
labarik entre 35 to 50, no komunidade
mos estabelese ona komisaun jestaun ba grupo halimar hodi garantia
sustenabilidade.
Haforsa
Juventude
Alende suporta foin sae iha
treinamentu vokasional hodi ajuda sira hetan rendimentu, Plan mos enkorajen
sira hodi involve ativu iha komunidade liu husi sai voluntario. Voluntario fo
oportunidade ba juventude hodi ajuda sira nia komunidade no desenvolve sira nia
matenek ho Plan nia programas
Musika no desporto mak integral ba
inklusaun juventude iha sosiadade. Iha distritu Lautem, Plan hari’i ona kampo
basket no volley. “Kampo volley nebe suporta husi Plan iha signifika mai ami
juventude hodi halibur hamutuk hodi halimar no haforsa ami nia relasaun no
unidade entre ami,” katak partisipante ida durante konsultasaun komunidade nebe
organiza husi Plan.
Hare video kona ba Plan nia servisu
suporta juventude iha treinamentu buka moris iha Timor-Leste.
---------------------------------------------------------------------------------------------------
Distritu Aileu
Area: 729 sq. km
Populasaun: 44,325
Komunidade: 31
Labarik Sponsor: 4,077
Distritu Aileu iha parte loromonu Timor-Leste, iha rai a’as parte de sul
capital Dili. Populasaun, iha parte tomak nasaun ne’e, moris nudar agrikultor.
Foho nebe ho nia temperature malirin, fresku no manas oituan halo area ne’e sai
fatin nebe diak hodi kuda kafe.
Plan servisu iha Aileu iha tinan 2004, ho tarjeitu sub-distritus Aileu-Villa,
Remexio, Lequidoe no Laulara.
Programa
Be’e, Saneamentu no Hijienia
Plan servisu ho komunidade desenvolve sustenabilidade, komunidade maneja
be’e no atendementu sanitasaun no hasa’e konsiensia husi importansia praktiku
hijienia, inklui fase liman, uja sintina no hamo’os enviromentu.
Iha Aileu, Plan suporta ona komunidade 35 hodi hari’i sistema be’e mos.
Komunidade agora iha ona sistema be’e mos nebe’e fornesee be’e ba publiko hodi
atende uma-kain 5,937 no ema 11,720. Iha suco 10, grupo jestaun nebe fasilita
be’e estabelese ona hodi maneja konstruksaun, operasaun no manutensaun be’e
komunidade no infrastrutura saneamentu.
Edukasaun
Plan suporta ona konstruksaun ba fatin halimar labarik hamutuk 20 hodi
labarik halimar no estuda. Alende ne’e, inan-aman no voluntario lokal hetan mos
formasaun kona ba desenvolvimentu labarik liu husi treinamentu edukasaun
inan-aman.
Projeitu labarik ba labarik implementa iha Aileu, labarik hirak nebe iha
eskola Primaria hanorin labarik hirak nebe iha eskola pre-primaria. “Ne diak ba
kakutak labarik eskola Primaria sira no ajuda mos labarik pre-eskolar sira hodi
perpara a’an tama ba eskola primaria” katak Florindo Araujo Gonçalves,
fasilitador desenvolvimentu komunidade Plan.
Haforsa Juventude
Plan Timor-Leste servisu ho juventude sira hodi fornese ba sira asesu ba
servisu nebe relasiona ho abilidade moris, inklui agrikultor no jestaun
financas, hodi suporta sira hetan rendimentu. Sira mos simu treinamentu oinsa
jere projeitu iha jestaun organizasaun, desenvolvimentu bisnis, lideransa,
resolusaun konflito no seluk tan.
Hare video kona ba Plan nia servisu nebe suporta juventude ba treinamentu
buka moris iha Timor-Leste.
No comments:
Post a Comment